DURRËS– Detaje të reja janë zbuluar në lidhje me zjarrin që përfshiu anijen e mallrave në portin e Durrësit. Raportohet se anija ‘Kledes Mary’, e cila mban flamurn panamez është në pronësi të një shqiptari.
Po ashtu bëhet me dije se ajo është një anije mallrash, e cila ka një kapacitet deri në 2500 tonë ngarkesë. Ndërkohë mbetet ende e paqartë nëse ka ngarkesë në bordin e anijes apo ajo është bosh. Zjarri ka nisur në kuzhinën e anijes e më pas është përhapur. Fatmirësisht ekuipazhi është evakuuar në kohë dhe nuk ka anjë të dëmtuar, ndërsa raportohen dëme të shumta materiale.
