TIRANË– Detaje të reja kanë dalë në dritë nga masakra e ndodhur në Paskuqan dhe Kamëz ku Dan (Ramazan) Hutra ekzekutoi tre gra dhe plagosui rëndë tre të tjera. Mësohet se pasi “serial killeri” që tronditi Tiranën dje vrau tre gratë në banesë në momentin që i është bllokuar arma ka dalë jashtë për të mbushur sërish karikatorin me fishekëyt që kishte në makinë por në atë moment është përballur me fqinjët.
Ata raportohet se i kanë thënë çfarë po bën. Në këtë moimënt ai ka hyrë në makinë dhe është nisur drejt banesë së Etleva Kurtit. Fatmirësisht një përballje e tillë me fqinjët përfitoi pa viktima.
Dan Hutra është vënë në pranga pas disa orësh në arrati në zonën e Sharrës, në periferi të Tiranës. Dan Hutra vrau me armë zjarri shtetaset, Mevlute Hysa 30 vjeçe, motra e ish-bashkëjetueses së tij dhe Hasime Dafku 30 vjeçe, e fejuara e vëllait të ish-bashkëjetueses. Gjithashtu, plagosi ish-bashkëjetuesen e tij Elena Hysa, 35 vjeçe, dhe nënën e saj Kujtime Hysa, 60-vjeçe. Ai dyshohet se është edhe autori i vrasjes së Etleva Kurtit, ditën e sotme në Kamzë. 31-vjeçarja Etleva Kurti është motra e Vladimir Kurtit, i dënuar me burgim të përjetshëm për vrasjen e Agim Bucit, në vitin 2018
