KRUJË– Detaje të reja janë zbardhur nga atentati me një të vrarë e një të plagosur në Larushk, Krujë. Dyshohet se autorët që morën pjesë në sulmin në shtëpinë e Gentjan Bejtjes ku i vranë kunatin e i plagosën djalin të kenë qenë tre.
Ata janë qëlluar sapo kanë zbritur nga makina brenda oborrit të banesës. Ndërsa zbardhja e ngjarjes bëhet e vështirë duke qenë se në rrugë nuk ka kamera siguri pasi ato u hoqën nga Policia pak kohë më parë në kuadër të operacionit të policisë ‘Fijet’.
Shënjestra e atentatit ka qenë Gentjan Bejtja, një emër i njohur për Policinë, i cili u ka shpëtuar disa atentateve kundër tij. Ramazan Sino vdiq në vend ndërsa Alvi Bejtja, 18 vjeç ndodhet në spital nën kujdesin e mjekëve.
Kush është Gentian Bejtja dhe e shkuara e tij kriminale
Gentjan Bejtja nuk është në emër i panjohur pë Policinë dhe drejtësinë si dhe ia ka dalë ti shpëtojë disa atentateve kundër tij. Bejtja u qëllua me armë zjarri së bashku me Klodian Stafukën mbrëmjen e 9 Janarit 2022. Ata zëu qëlluan teksa lëviznin me makinë pranë shkollës së fshatit Larushk në zonën e Fushë Krujës, ndërsa Bejtja mbeti i plagosur në krah.
Në shtator të vitit 2016, ndaj tij është organizuar një atentat me tritol. Bejtja po udhëtonte me makinën e tij tip “Tuareg”, me targë “AA 020 BH”, në fshatin Nikël të Krujës, kur nga poshtë mjetit shpërtheu eksplozivi që e dëmtoi rëndë në këmbë. Gjithashtu, Bejtja ishte personi që së bashku me Enver Stafukën vodhën makinën e përdorur në vrasjen e kryekomisar Dritan Lamajt në vitin 2013.
