KOSOVË– Të tjera detaje kanë dalë në dritë nga ngjarja e rëndë e ndodhur një ditë më parë në një lokal nate në Prizren lu mbeti i vrarë dhe një 31-vjepar nga Kukësi. Sipas Policisë së Kosovës të shtënat me armë zjarri kanë filluar fillimishr në lokal. Pas incidentit, tre nga të përfshirët në rast që ishin banorë të Kukësit janë larguar me makinë në drejtim të spitalit të Kukësit. Ndër të tjera blutë e Kosovës vëjnë me dije se për ngjarjen janë arrestuar gjashtë të dyshuar, teksa në vendin e ngjarjes janë gjetur dhe sekuestruar edhe tri gëzhoja.
NJOFTIMI I POLICISË:
Prizren 03.01.2023-04:00. Është raportuar se, nga disa persona në një lokal ka pasur shkëmbim zjarri. Pas incidentit, tre nga të përfshirët në rast që ishin shtetas të Shqipërisë janë larguar me veturë në drejtim të Republikës së Shqipërisë. Pas kontaktit me autoritetet e Shqipërisë, është konfirmuar se njëri nga personat e përfshirë në incident ka ndërruar jetë, ndërsa një tjetër është i plagosur. Lidhur me rastin janë arrestuar gjashtë të dyshuar meshkuj kosovar dhe të njëjtit me vendim të prokurorit janë dërguar në mbajtje. Me urdhër të prokurorit është kryer bastisje në lokalin ku ka ndodhur incidenti, dhe në shtëpinë e njërit nga të dyshuarit lidhur me rastin, janë sekuestruar disa dëshmi. Po ashtu në afërsi të vendit të ngjarjes janë gjetur dhe sekuestruar tri gëzhoja. Njësitë e hetuesisë janë në koordinim me autoritetet e Shqipërisë për vazhdimin e ekzaminimeve e trupit të pajetë si dhe veturën e viktimës. Rasti është duke u hetuar nga njësitet kompetente policore.
Si pasojë e të shtënave humbi jetën 31-vjeçari nga Kukësi Visar Cengu, i cili ishte kthyer pak kohë më parë nga Franca për festa. Ndërsa i plagosur mbeti dhe shoku i tij Rufgen Basha, i cili ndodhet jashtë rrezikut për jetën.
