TIRANË– Detaje të reja kanë dalë në dritë nga vrasja makabre e Brilant Martinajt dhe dy miqve të tij Diklen Vata dhe Besmir Hoxha në Mbikalimin e Fushë-Krujës. Emisioni në “Shënjestër” bën me dije se autorët e masakrës së tronditi vendin janë ndihmuar nga një punonjës i Policisë së Shtetit, i cili për sigurinë e tij dhe për të mos cënuar hetimet është identifikuar me inicialet M.D.
Sipas dosjes hetimore thuhet se polici ka ndihmuar agresorët të çajnë vetë rrethimin e Policisë për t’u larguar nga zona e Fushë Krujës, por jo vetëm kaq, pasi rezulton se ka bërë shumë më shumë. Sipas dosjes hetimore, rezultoi se orën pas krimit të trefishtë në mbikalimin e Fushë-Krujës, një automjet me ngjyrë gri, u afrua pranë vendit ku autorët dogjën makinën me të cilën kryen ekzekutimin. Prej aty efektivi kreu largimin e tyre nga vendngjarja, më qëllim për t’i shpëtuar ndjekjes së policisë. Efektivi mund të kjetë përdorur valët e radios së policisë për ti shpëtuar rrethimit.
Dosja hetimore: Nga verifikimi i bërë rezulton se shtetasi M.D përdor mjetin me targa AA00 … me ngjyrë gri. Nga ana e policisë gjyqësore nuk është bërë i mundur sigurimi i numrit apo numrave celularë të këtij personi, që përshkruhet si person i dyshuar, si bashkëpunëtor në këtë ngjarje të vrasjes së 3 personave.
Brilant Martinaj, Diklen Vata dhe Besmir Hoxha u ekzekutuan në një atentat mafioz mesditën e 17 korrikut të vitit 2022. Ata mbetën të vrarë në vend ndërsa makina mori dhe flakë duke djegur trupat e Martinajt dhe Hoxhës ndërsa Vata doli nga makina por nuk i shpëetoi dot vdekjes pasi autorët e ndoqën dhe ekzekutuan me breshëri kallashnikovi pak metra larg makinës.
