ELBASAN– Detaje të reja janë zbardhur në lidhje me kërcënimin me jetë ndaj biznesmenit Eral Myftaraj në Elbasan nga katër persona tre prej tyre në pranga ndërsa një tjetër në arrati. Gazetarja e kronikës Klodiana Lala thotë se se bëhet fjalë për njerëz nga Lezha e Burrelli, por që jetojnë në Kamëz. Biznesmi Myftaraj u kërcënua që të tërhiqet nga tenderi 1 milionë eurosh për furnizimin me lëndë drusore i fituar në Bashkinë e Tiranës.
Babë e Bir, Algert dhge Shaqir Alcani të cilët rezulton se janë fitues të disa tenderave në bashkinë e kryeqytetit duket se nuk iu ka pëlqyer ky fakt dhe kanë kërcënuar Myftarajn që të tërhiqet nga tenderi i fituar ose përndryshe do ti vriteshin anëtarët e familjes. I gjendur përballë kërcënimeve ai ka bërë denoncimin në polici dhe pas një muaji hetimesh Algert dhe Shaqir Alcani si dhe Edmir Boci janë vënë në pranga ndërsa në kërkim është shpallur një 38-vjeçar i identifikuar me inicialet L.K
