TIRANË– Detaje të reja kanë dalë në dritë nga arrestimi i ish-drejtroreshës së Mjedisit në Bashkinë e Tiranës Viola Sterjo. 39-vjeçarja, dyshohet se ka ngritur një skemë mashtrimi duke i marrë para qytetarëve me qëllim ndikimin e saj në institucionet e shtetit.
Dyshohet se ajo ka mashtruar 5 subjekte, duke u marrë shuma që variojnë nga 20 mijë euro deri në 90 mijë euro. Subjekteve, ish-drejtoresha u kishte premtuar subjekteve se do të ndërhyjë për të fituar projekte nga AZHBR-ja (Agjencia për Zhvillim Bujqësor dhe Rural).
Subjektet kanë paguar lekët kundrejt projekteve që variojnë nga 1 milion deri 4 milionë euro. Sterjo u arrestua ditën e sotme nga Policia e Tiranës. Hetimet për të kishin nisur gjatë periudhës mars-nëntor të vitit 2020.
