KOSOVË– Janë zbardhur emrat e pesë bashkëpunëtorëve të Dibran Hoxhës, i cili akuzohet se ka vrarë të riun Visar Cengu nga Kukësi dhe plagosur shokun e tij Rufgen Shehu. Sipas prokurorisë Dibran Hoxhaj ose siç njihej “Kobra” akuzohet për veprat penale “Vrasje e rëndë”, armëmbajtje pa leje dhe manipulimi me prova. Bashkëpunëtorët janë identifikuar si Arben Vezaj, Burim Mazreku, Jesmir Badalli, Kujtim Gashi dhe Enver Amrallahi, të cilët akuzohen për veprën penale “Pjesëmarrja në rrahje”.
31-vjeçari Visar Cengu u qëllua për vdekje në orët e para të mëngjesit nga Hoxha. Shkak për sherrin dyshohet se është bërë refuzimi për pagesën e faturës 400 euro nga të rinjtë nga Kukësi. Sipas dëshmitarëve në vendin e ngjarjes në fillim ata janë zënë me grushte pastaj sherri ka degjeneruar në përdorimin e armëve. Kështu Dibran Hoxha. i cili ishte i armatosur ka nxjerrë armqn dhe sipas Policisë ka qëlluar drejt tyre brenda në lokal pasi aty janë gjetur tre gëzhoja. Cengu ndërroi jetë pak minuta pasi u largua me urgjencë nga vendi i ngjarjes ndërsa një nga shokët e tij u plagos, tjetrin fatmirësisht nuk e preken plumbat. Bashkë me Hoxhën në polici janë shoqëruar dhe 5 persona të tjerë që dyshohet të kenë lidhje me ngjarjen.
