SHKODËR– Zbardhet dëshmia e Sokol Shpendit në Shkodër, biznesmenit të cilit iu vendos tritol në portën e banesës në orët e para të mëngjesit. Para hetuesve pronari i hotel “Shkodra” ka deklaruar se nuk ka konflikte me askënd dhe nuk e ka të qartë se kush mund të jenë autorët që vendosën lëndën plasëse ndërsa ka kërkuar që të zbardhet e plotë kjo ngjarje.
Tritoli u vendos në orët e para të mëngjesit në cep të portës hyrëse ndërsa banesa ishte disa metra më tutje. Fatmirësisht u regjistruan vetëm dëme materiale ndërsa nuk u raportua për të lënduar. Policia bën me dije se po punohet për zbardhjen e plotë të ngjarjes.
