TIRANË– Rozeta Dobi pastruesja që vodhi shtëpinë e ish-shefes së kabintetit të Arben Ahmetaj, Alda Klosi ka rrëfyer para hetuesve dhe shkakun e këtij veprimi. Sipas asaj që shkruhet në dosjen hetinore Domi është shprehur se e urrente Klosin. Ajo shprehet se ka hyrë në dhomë dhe pasi ka marrë kasafortën ka dalë direkt.
Pjesë nga dosja hetimore: Në datë 15.12.2022 i kërkova djalit tim shtetasit Havier Dobi të më dërgonte me makinë tek banesa e Aldes. Gjatë kontrollit ka vënë re se në dhomën e gjumit në dollap ajo mbante një kasafortë e cila ishte në ngjyrë gri. Pasi e ka hapur atë brenda saj ka konstatuar se ndodheshin shuma monetare të prerjeve 500,200,euro dhe 100 dollar, në moment që i ka parë këto shuma parash nga urrejtja që kishte krijuar ndaj shtetases Alda Klosi i ka marrë paratë dhe është larguar më pas me mjetin e djalit të saj. Deklaron se shuma e parave të gjetura në banesën time është nga shuma e lekëve që ka marrë në banesën e shtetases Alda Klosi.
Vjedhja ka ndodhur më datë 15 dhjetor kur në shtëpi nuk ndodhej askush. Rozeta Dobi punonte si pastruese në shtëpinë e ish-zyrtares së lartë në Kryeministri. Paratë janë vjedhur në kohë të ndryshme. Pasi kishin kryer grabitjen e fundit Dobi dhe i biri Havier Dobi e kthyen shtëpinë “përmbys” për ta bërë të dukej si grabitje. Pas kontrollit në shtëpi atyre iu gjetën dhe 404 mijë dollarë të tjerë, mijëra euro dhe bizhuteri, të cilat ishin fshehur në tubin e aspirimit. Rozeta e Havier Dobi e pranuan krimin para uniformave blu. Havieri me paratë e vjedhura kishte blerë makina luksi, të cilat i ekspozonte në rrjetet sociale.
