TIRANË– Detaje të reja janë zbardhur në lidhje me autorin e masakrës së mesditës së sotme në Paskuqan Dan Hutra. Raportohet se para ngjarjes së rëndë Hutra ka plagosur me thikë të dashurën e tij në zonën e Astirit dhe më pas i ka vjedhur paratë. Pasi ka dalë nga nga e dashura ai është larguar me makinën e tij tip “Benz” në drejtim të familjes së ish-bashkëshortes.
Ai ka hyrë menjëhgerë në banesë dhe pa folur fare ka hapur zjarr në drejtim të tyre duke zbrazur kallashnikovin që kishte marrë me vete. Në një moment atij I është bllokuar arma dhe pastaj ka nxjerrë thikën me të ka plagosur ish-gruan dhe nënën e saj. Autori i krimit makabër pas ngjarjes së rëndë është larguar menjëherë me makinë dhe vijon të jetë ende në arrati. Policia ka ngritur disa pika kontrolli por ende nuk është bërë i mundur arrestimi i tij.
