TIRANË– Është zbardhur vendimi i Komisionit të Etikës në Kuvend që do të lerë 8 deputetët e Partisë Demokratike jashtë seancave plenare por dhe mbledhjeve të Komisioneve Parlamentare ku ata bëjnë pjesë. Deputetët e PS kërkuan përjashtimin e Luçiano Boçit, Albana Vokshit, Ervin Salianjit, Ina Zhupës, Luan Baçit, Tritan Shehut, Gazmend Bardhit dhe Bledion Nallbatit. Socialistët pretendojnë se opozita ofendoi kryeparlamentaren dhe krijoi kaos në Kuvend.
Deputetëe opozitës ditën e djeshme gjatë diskutimeve të tyre në Komisionin e Etikës që i transmetuan dhe live përmes rrjeteve sociale e cilësuan këtë veprim si një akt të paprecedentë që synon ti mbyllë gojën opozitës dhe ta lërë atë pa 8 zëra në Kuvend dhe në jetën parlamentare.
