TIRANË– Zbardhet dosja hetimore e Milena Derajt, mashtrueses që kishte arritur që të punonte në institucionet më të rëndësishme të vendit së bashku me bashkëshortin e saj. Në dosjen hetimore të Prokurorisë së Tiranës janë mesazhet e shkëmbyera mesa saj dhe Abedin Ferracakut djalit të familjes Ferracaku të cilët i kishte mashtruar se do të ndërhynte me njohjet që kishte për tu hequr burgimin e përjetshëm të marrë pas masakrës së Velipojës. N
ga 340 mijë euro që Deraj, ish-punonjesja e Kuvendit dhe Bankës së Shiqpërisë u kishte marrë Ferracakëve u kishte kthyer vetëm 140 mijë, pjesën tjetër e kishte inhvestuar në ndërtimin e një shtëpie prej guri në fshatin Salari të rrethit Tepelenë. Në dosje përmendet dhe emri i ish-deputetit Tom Doshi dhe biseda që Deraj ka pasur me këtë të fundit në zyrën e tij në rrugëne ambasadave.
Pjesë nga dosja: Thekson se nga shuma e eurove prej 340.000 (treqind e dyzet mijë) eurove, që ka marrë i ka kthyer vetem 140.000 (njëqind e dyzet mijë) euro, ndersa shumen tjeter prej 200.000 (dyqind mijë) euro i ka investuar në fshatin Salari të rrethit Tepelenë duke bërë një shtepi guri, pasi shumen e eurove që i kishin dhënë nuk i pranonin që tjua ktheja, por kerkonin edhe 540.000 euro të tjera të regjistruara në video, duke mos e njohur borxhin e tyre që i kishin dhënë. Gjithashtu kam për të shtuar se gjatë kohës që isha e marrë peng në banesen e tyre në Shkodër, Abedini e kanë kanosur edhe për të afërmit e saj. Gjatë bisedës që ka bërë me Elira Shytin ajo i ka thënë se këto 3 ditët e fundit janë shtuar kërcënimet ndaj saj personalisht, djalit të saj si dhe e kërcënojnë ndaj çdo të afërmi të saj, ajo i ka thënë se një i afërm i Abedinit i ka marrë edhe pasaportën Elirës duke mos ja kthyer. Milena ka theksuar se në telefonin e saj ka komunikuar vetem me aplikacionin “SIGNAL“ me numer telefoni nuk ka komunikuar në asnjë rast, ndërsa dje në datën 22.05.2023, nëpërmjet aplikacionit ëhatssap me një numër të huaj +33758253148, e ka telefonuar Abedin Ferracaku duke i thënë se “të erdhi dita të pres në Shkodër” në datën 23 sikur e kanë lënë atë ditë për këtë takim. Ka shtuar se 3 ditë përpara datës 12.05.2023, e ka marrë në telefon Tom Doshi për ta pyetur rreth kësaj historie që kishte ndodhur mes vëllezërve Ferracaku dhe meje. Në moment kam shkuar dhe jam takuar me Tomën tek rruga e Ambasadave në zyren e tij. Ai e ka pyetur nëse ja njeh borxhin apo jo, ajo është përgjigjur se do ja kthente paratë. Është bërë sekuestrimi dhe kqyrja e celularit të kësaj shtetaseje nga e cila ka rezultuar të jetë aplikacioni “Signal” me numrin celular 069******, në faqen me mbishkrimin Elira me numër +35567*****, në pjesën fundore ka një mesazh të shkruar “nuk duhet me lëviz kund, nesër në orën 10 duhet të jesë në Shkodër bashkë me djal” dhe siper tij ka mbishkrimin ***********. Në pjesën e sipërme të mesazhit ka mbishkrimi Shkodra1, mesazhi i shkruar është: e treta sqarim për çdo gjë se përfunduam këtu ose dikush do e paguaj me jetën e familjareve të tyre. Mesazhi tjeter është: në faqen e telefonit ka mbishkrimin tjeter today ora 11:09 AM, mbishkrimi GIFF GIFF mesazhi i shkruar është: Mos lëviz nga shtëpia se po vijnë të marrin!
