SHKODËR– Është zbardhur plagosja e ndoshur mbrëmjen e ndërrimit të viteve në Shkodër. Në njoftimin zyrtar blutë e Shkodrës bëjnë me dije se ngjarka ka ndodhur në fshatin Broks të Shkodrës.
I plagosuri është një 19-vjeçar me inicialet S.P. Ky i fundit i ka dhënë armën e zjarrit të llojit pistoletë një të mituri 15 vjeç për të qëlluar në ajër. Kur 19-vjeçaei ka tentzëuar t’ia marrë armën ajo është shkrepur aksidemtalisht duke e lënë të plagosur.
19-vjeçari ndodhet jashtë rrezikut për jetën. Arma është sekuestruar ndërsa 19-vjeçari është vënë në pranga pasi akuzohet për armëmbajtje pa leje. Pistoletën rezulton se e kishte pa leje.
NJOFTIMI I POLICIAË:
Specialistët për Hetimin e Krimeve të Komisariatit të Policisë Shkodër arrestuan shtetasin S. P., 19 vjeç, për veprën penale “Prodhimi dhe mbajtja pa leje e armëve luftarake dhe municioneve”, si dhe nisi procedimi në gjendje të lirë, pas konsultimit me prokurorin, për një shtetas të mitur 15 vjeç, për veprën penale “Plagosja nga pakujdesia”. Nga veprimet hetimore rezultoi se në fshatin Boks të njësisë administrative Postribë, shtetasi S. P., rreth orës 21:00 të datës 31.12.2022, ka shkuar afër një objekti kulti në fshatin Boks, me një armë zjarri pistoletë me vete, për të qëlluar në ajër. Në këtë vend kanë qenë edhe 15-vjeçari dhe disa shtetas të tjerë të mitur. Shtetasi S. P. i ka dhënë armën e zjarrit 15-vjeçarit, që të qëllonte edhe ai në ajër. Në momentin që shtetasi S. P. ka dashur t’ia marrë armën 15-vjeçarit, arma është shkrepur aksidentalisht edhe për pasojë është plagosur në këmbë shtetasi S. P. Shërbimet e Policisë kanë gjetur dhe sekuestruar në vendin e ngjarjes një armë zjarri pistoletë, të cilën e mbante pa leje shtetasi S. P.. Grupi hetimor, nën drejtimin e Prokurorisë, po vijon veprimet për dokumentimin e plotë ligjor të ngjarjes. Materialet i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme
