GRAMSH– Detaje të reja kanë dalë në dritë nga krimi i rëndë brenda familjes në fshatin Tervol të Gramshit ku 75-vjeçari Xhavit Sinani ekzekutoi me armën e gjahut gruan e tij Zegjine Sinani dhe vëllanë e tij Shaqir Sinani. Raoportohet se autori vuan nga probleme të shëndetit mendor. Në fillim ai ka ezkekutuar gruan e tij Zegjinen dhe më pas ka shkuar tek shtëpia e të vëllait dhe e ka ekzekutuar gjatë kohës që ai ishte tek vreshtat e rrushit.
Pas ngjarjes së rëndë autori ka telefonuar fëmijët dhe i ka vënë në dijeni për ngjarjen. Në telefonatën që ka zgjatur pak sekonda ai u ka thënë atyre se ka vrarë mamanë dhe xhaxhanë më pas e ka mbyllur dhe është arratisur. Arratia e tij nuk zgjati shumë pasi u vu në pranga nga policia, e cila kishte rrethuar zonën. Pritet që i moshuari të japë dëshminë e tij para hetuesve.
