KROACI– Dhjetë kilogramë kokainë dhe heroinë janë zbuluar në një autobus me targa shqiptare në Kroaci. Mediat kroate shkruajnë se janë vënë në pranga dy shqiptarë, të moshave 41 dhe 33 vjeç, identiteti i të cilëve nuk është bërë i ditur. Sipas artikullit, autobusi ishte bosh dhe brenda si pasagjer ishte vetëm 33-vjeçari, ndërsa 41-vjeçari ishte në drejtim të mjetit.
Siç duket edhe nga pamjet e siguruara nga mediat vendase, droga kishte mbishkrimin “GOLD (në shqip. AR)”, një kod me siguri për pritësin e drogës
“Dy meshkuj të moshës 41 dhe 33 vjeç, të dy shtetas shqiptarë, janë afruar në kontrollin kufitar hyrës në QKM Karasovic, me një autobus pasagjerësh me shenja kombëtare shqiptare. Autobusi ishte bosh dhe drejtohej nga 33-vjeçari, ndërsa 41-vjeçari ishte shoferi zëvendësues,”- shkruhet në artikull.
Droga ishte fshehur në bagazhin e autobusit dhe është zbuluar gjatë kontrollit në kufi. Nuk dihen ende identitetet e shqiptarëve të arrestuar. Pritet që të zbardhen detaje në lidhje me destinacionin e drogës apo prejardhjen e saj.
