Një ngjarje tronditëse ka ndodhur në rajonin e Chelyabinsk në Rusi, ku një grua 46-vjeçare, e identifikuar si Svetlana, është arrestuar pasi tentoi të porosiste vrasjen e vajzës së saj 12-vjeçare.
Sipas autoriteteve, ajo i kishte ofruar 1,100 euro një të njohuri, Andrei 36 vjeç, që të mbytë vajzën në një lumë. Gruaja kishte shprehur se ishte “e lodhur nga sjellja e saj” dhe nga konfliktet e vazhdueshme.
Megjithatë, Andrei vendosi të mos e kryejë krimin. Ai i tregoi vajzës për planin dhe më pas e ndihmoi të fshihej, duke njoftuar menjëherë policinë. Svetlana u arrestua në kohë dhe tani përballet me një dënim që mund të shkojë deri në 15 vite burg.
Ndërkohë, vajza 12-vjeçare dhe dy vëllezërit e saj, të moshës 6 dhe 17 vjeç, janë vendosur në një institucion social. Svetlana ka gjithashtu edhe një vajzë tjetër 18-vjeçare.
