POGRADEC– Janë zbardhur detaje të reja nga dhuna e ushtruar ndaj një qytetari nga efektivi i policisë Gjergji Riza ditën e 8 shkurtit në Pogradec. Mësohet se Riza e ka dhunuar Klajdi Narollin pasi dyshonte se ai ishte autori i vendosjes së një sasie eksplozivi në klinikën dentare që është në pronësi të gruas të tij. Por shpërthimi nuk është realizuar pasi Narolli nuk kishte arritur të ndizte fitilin. Përmes kamerave të klinikes
Riza kishte arritur ta identifikonte autorin që sipas tij është Klajdi Narollin pavarësisht kapuçit që mbante. Pasi ka parë pamjet filmike, Riza e ka ndjekur Norollin derisa e ka kapur afër një pallati. Arsyeja e vendosjes së tritolit nga Narolli mendohet të jetë bërë për shkak se Riza e kishte ndaluar disa herë për vepra te ndryshme penale, kryesisht për shitje të lëndëve narkotike. Pas publikimit të videos Policia e Pogradecit e ka pezulluar nga detyra efektivin Gjergji Riza dhe ka nisur hetimet në lidhje me ngjarjen.
