E Ngarkuara me Punë e SHBA-së Nancy VanHorn u takua ditën e djeshme me kreun e KLP-së Mirela Bogdanin.
Siç bën me dije njoftimi i ndarë nga Ambasada e SHBA-së në rrjete sociale takimi kishte në fokus procesin e zgjedhjes së kreut të ri të SPAK.
VanHorn thekson se ky proces është thelbësor për bashkëpunimin mes SHBA dhe Shqipërisë në fokus luftën ndaj krimit të organizuar dhe forcimin e sigurisë në dy vendet.
Postimi:
E Ngarkuara me Punë Nancy VanHorn u takua dje me Kryetaren e Këshillit të Lartë të Prokurorisë, Mirela Bogdanin, për të diskutuar mbi ngjarjet e rëndësishme që do të zhvillohen në Këshill. Integriteti i procesit për zgjedhjen e Prokurorit të Posaçëm të SPAK është thelbësor për vazhdimin e bashkëpunimit mes Shteteve të Bashkuara dhe Shqipërisë në luftën kundër krimit të organizuar ndërkombëtar dhe për forcimin e sigurisë së vendeve tona.
