TIRANË– Zgjedhja e kryetarit të ri të Partisë Demokratike “të vulës” ka nisur dhe një konflikt të ri tashmë brenda tyre. Por pavarësisht kundërshtime të Gazment Bardhi Kryesia e PD pritet të mblidhet ditën e nesërme për të ngritur grupet e punës për të nisur përgatitjet për zgjedhjet e 29 korrikut. Siç shihet dhe në njoftimin e bërë publik nga PD mbledhja e Kryesisë është thirrur nga shtatë anëtarët të saj ndërsa janë dhe pikat që do të diskutohen.
NJOFTIMI:
Te nderuar Anëtarë të Kryesisë. Në mbështetje dhe zbatim të nenit 45, pika 4, fjalia e parë, të Statutit të Partisë Demokratike të Shqipërisë, me kërkesë të 1/5 (një të pestës) së anëtarëve të Kryesisë së Partisë, njoftojmë mbledhjen e Kryesisë me rend dite si vijon:
- Miratimin e grupeve të punës për mbikqyrjen e procesit të evidentimit të listave të anëtarësisë në Degët e PDSh;
- Miratimin e rregullores së brendshme “Mbi modalitetet e procesit zgjedhor për Kryetar të Partisë Demokratike”;
- Plotësimin e vakancave dhe emërimin e anëtarëve të Komisionit Zgjedhor;
Mbledhja e Kryesisë do të zhvillohet ditën e Enjte, datë 15 qershor 2023, ora 17:00 në Sallën e Mbledhjeve të Selisë së Partisë Demokratike në rrugën Donika Kastrioti, Tiranë.
Anëtarët Kërkues:
- Taulant Zeneli
- Endri Hasa
- Gazmend Koduzi
- Taulanda Jupi
- Kreshnik Çollaku
- Xhemal Gjunkshi
- Gentian Gaba
