TIRANË– Kreu i Komisiot Qëndror të Zgjedhjeve ka folur për gazetarët në lidhje me zgjedhjet vendore të 14 majit. Sipas Celibashit zgjedhjet vendore të 14 majit nuk do të cënohen nga sulmet kibernetike të mundshme pasi sipas tij votimi elektronik që do të kryehet në disa zona zhvillohet me proces të mbyllur. Ndërkohë ai ka bërë me dije se institucioni që ai drejton pret ende përgjigje nga qeveria për buxhetin që i duhet për votimin elektronik.
Ilirjan Celibashi: Do të sjell në vëmendje që nesër fillon detyrimi për të raportuar çdo aktivitet publik. Ky aktivitet duhet të raportohet 5 ditë para në përputhje me Kodin Zgjedhor dhe KQZ. Ajo që vlen të theksohet në lidhje me ndalimet ka të bëjë më përmbajtjen dhe vetëpërmbajtjen e institucionarëve për të mos përdorur asetet publike në fushatë. Ligji detyron partitë të respektojnë ligjin. Jemi përpjekur që teknikisht të marrim masat. Në momentin që flasim, raportojmë vetëm te faqja e KQZ. S’kemi asnjë aktivitetet tjetër që mund të jetë në observimin dashakeqës. Përsa i përket votimit elektronik ai nuk zhvillohet në rrjet të hapur dhe nuk ka mundësi që dikush të ndërhyjë në këto sisteme. Ne kemi bërë kërkesën për financim të projektit elektronik edhe për 6 bashki të tjera. Koha që kemi në dispozicion nuk na favorizon se jemi shumë vonë. Por mund të bëjmë më shumë se Vora. Do të preferonim që të kishim 1-2 bashki të mëdha, një mesatare. Po presim ende një përgjigje nga qeveria,”
