TIRANË– KQZ është mbledhur këtë të mërkurë në lidhje me zgjedhjet vendore që do të mbahen më 14 maj në gjithë vendin, këta të fundoit kanë bërë me dije se votimi dhe numërimi elektronik do të kryhet në bashkitë Elbasan, Vorë dhe Kamëz. Ndërkohë kreu i KQZ Ilirjan Celibashki në një konferencë për mediat i pyetur nga gazetarët për regjistrimin e Partisë Demokratike në zgjedhje, ai u shpreh se opozita mund të mos regjistrohet në zgjedhje, ku këtij problemi i duhet dhënë një zgjidhje duke shtuar më tej që nuk e vendos KQZ se kush do të jetë kreu i PD-së.
“Ne nuk vendosim se kush e udhëheq PD. Për ne ka 1 Parti Demokratike, mbetet për tu parë se kush e ka tagrin për të vepruar në emër dhe llogari të saj. Dikush thotë e ka Berisha, dikush thotë Alibeaj do ishte mirë që çështja të ishte zgjidhur dhe të zgjidhet pasi flasim për interes publik të dorës së parë, pasi është partia kryesore e opozitës.
Gjithsekush që mund të kontribuojë në zgjidhjen e kësaj situate, ne jemi dora e fundit, tejet çdolloj interesi, presioni këtu është kot sepse vendimmarrja këtu do jetë në përputhje me ligjin. Është e kotë që të ndikojnë që kjo vendimmarrje të jetë për njërin ose tjetrin.
Në fund të fundit do vendoset siç e ka parashikuar ligji, Gjithkush, të japë kontributin e vet që kjo çështje të zgjidhet ashtu siç duhet, nuk është KQZ që vendos për çështje që nuk i ka kompetencë.
Do të duhet të angazhoheni për të gjetur një zgjidhje, s’mund të bëjmë sikur s’po ndodh asgjë, pasi partia kryesore e opozitës mund të mos regjistrohet.
Gjithsesi, do të duhet që secili prej faktorëve institucionalë dhe politik të angazhohet për këtë proces, nuk mund ta injorojmë, të shohim çfarë vendos KQZ dhe të veprojmë.”
“
