TIRANË– Kryetari i Partisë Demokratike Sali Berisha ka mbledhur pasditën e kësaj të mërkure Kryesinë e partisë ku po diskutohet rreth zgjedhjeve të pjesshsme në Bashkinë e Kukësit pas arrestimit të ish-kryebashkiakut socialist Safet Gjici në lidhje me video-skandalin në zyrën e tij. Gjatë fjalës së tij për mediat kreu i PD tha se opozita është sot në mesionin e saj më të vështirë ku nuk kurseu akuzat për qeverinë dhe ProkurorInë e Posaçme (SPAK).
Sali Berisha: Kjo është një mbledhje ku ne marrim vendime për Bashkinë e Kukësit, por gjithashtu kjo mbledhje shënon startin e një përpjekje të madhe për analizën, ndërgjegjësimin e shqiptarëve për farsën elektorale 2023 si dhe qëndrimet që duhet të mbajmë ndaj kësaj farse, më e shëmtuara në historinë e pluralizmit politik shqiptar. Në Shqipëri, del e qartë si kristali se opozita është në misionin më të rëndësishëm të saj që nga themelimi. Mision me të cilin ajo duhet të përmbysë këtë shtet mafioz, këtë sundim të mafies, të kryesuar nga Edi Rama, i cili nuk asnjë lloj interesi tjetër qytetar, kombëtar, shoqëror, civil përveç pasurimit të tij të çmendur dhe klanit të tij. Edi Rama është i vendosur të sakrifikojë çdo ligj, çdo parim, çdo normë, çdo marrëdhënie, në mënyrë që të konsolidojë pushtetin e tij, të vazhdojë pushtetin e tij. Zbulimet e fundit të shërbimeve inteligjente franceze, belge, holandeze dhe britanike, dëshmojnë këtu se shoqëria shqiptare e tëra noton mbi krimin, drogën dhe se në Shqipëri, vendimmarrës absolut është krimi. Vendimmarrës që po rrënon më shumë se çdo luftë ka rrënuar një vend, më shumë se çdo luftë ka rrënuar një shoqëri. Në revanshin e tij, krimi i organizuar kapi zyrtarisht me mandat parlamentar drejtimin e ministrisë së presupozuar të antikrimit. Kështu që detyra e opozitës është të bindë çdo anëtar dhe mbështetës të saj të ngrihet në protesta që qëndrueshme, të mos ulim kokën. T’i shtrish qafën krimit, do të thotë të të presë kokën. Dhe këtë shqiptarët nuk duhet ta bëjnë kurrë. Këta janë kriminelë që duhet të largohen një minutë e më parë nga pushteti. Këta nuk respektojnë asnjë rregull, asnjë normë, asnjë parim, asnjë ligj. Këta kanë shndërruar pasuritë e vendit në pasuri personale të klaneve dhe familjeve të tyre. Këta ua kanë marrë shqiptarëve të dhënat personale dhe ia kanë dorëzuar krimit me Taulant Ballën. Sot, më të mprehta se kurrë janë detyrat e opozitës. Askush nuk mund t’i japë përgjigje kësaj situate përveç opozitës dhe shqiptarëve. Është absurde të presësh që SKAP-i i partisë do të ndërtojë shtetin. Ata që besojnë këtë, nuk janë realistë. Në këtë det krimi, askush nuk mund t’i jepte përgjigje përveç qytetarëve të revoltuar. Le që sot janë një së bashku kundër opozitës, kundër popullit opozitar, kundër popullit idealist që denoncon dhe nuk pranon krimet e tyre. Ata janë të gjithë së bashku, me polici, me prokurori, me SHISH, me parlament, me qeveri. Por ne me shembullin tonë, duhet të udhëheqim. Unë kam shumë besim se ne këtë mision do e përmbushim. Natyrisht na takon detyra të përballemi apo të merremi njëkohësisht me disa çështje.
Nuk kemi zgjidhje tjetër!
