TIRANË– Komisioni i Zgjedhjeve ka krituar kandidatët për kryebashkiak në Rrogozhinë që të respektojnë heshtjen zgjedhore pasi këtë të dielë janë qytetarët ata që flasin. Po ashtu në reagimin e KQZ-së, Kryekomisioneri Ilirjan Celibashi bën thirrje që të mos lejohet asnjë person i paautorizuar në qendrat e votimit.
REAGIMI:
Komisioni Qendror i Zgjedhjeve tërheq vëmendjen e përfaqësuesve politik dhe kandidatëve që të respektojnë heshtjen zgjedhore dhe solemnitetin e ditës së votimit. Sot është dita e qytetarëve që kanë të drejtën e zgjedhjes dhe deklaratat politike cënojnë standardet e procesit zgjedhor dhe janë në shkelje të dispozitave të Kodit Zgjedhor. Gjithashtu, KQZ tërheq vëmendjen e Komisioneve të Qendrave të Votimit që të respektojnë Kodin Zgjedhor dhe të mos lejojnë persona të paautorizuar në Qendrat e Votimit. Në QV dhe rreth tyre lejohen vetëm zgjedhësit, vëzhguesit e akredituar dhe stafi teknik i KQZ.
