Zgjedhjet në SHBA/ Biden, Trump dhe Obama në fushatë
Gara për senatin e cila do të jetë të martën dhe që zhvillohet në mes mandatin e presidentit aktual Joe Biden ka nxjerrë në terren edhe ish udhëheqësit.
Biden, Trump dhe Obama ishin në Pensilvani këtë të shtunë dhe secili në mënyrën e vet, i bëri thirrje elektoratit për të votuar kandidatet e tyre. Në Pensilvani një diferencë e vogël ndan kandidatin demokrat për Senatin John Fetterman, 53 vjeç, nga republikani Mehmet Oz, 62 vjeç.
Për presidentin Joe Biden një humbje demokratike në zgjedhjet e mes mandatit të së martës do të sillte pasoja në dekada . ndërkohë Trup që përfaqëson republikanët foli me bindje për fitore gjithëpërfshirëse.
Ne fjalën e tij presidenti Biden u tha qytetarëve se fuqia është në dorën tuaj
“Njerëz, tre ditë, tre ditë deri në një nga zgjedhjet më të rëndësishme në jetën tonë. Rezultati do të formësojë vendin tonë për dekadat që do të vijnë dhe fuqia për t’i dhënë formë atij rezultati është në duart tuaja”
Ndërsa Trump renditi një sërë ankesash për demokratët duke filluar nga trajtimi i inflacionit nga partia deri te kurrikulat e arsimit
“Nëse doni të ndaloni shkatërrimin e vendit tonë dhe të shpëtoni ëndrrën amerikane, atëherë këtë të martë duhet të votoni republikanët në një mënyrë gjithpërfshirëse”
Trump, për të cilin mediet thonë se po përgatitet të nisë një kandidim të tretë radhazi për Shtëpinë e Bardhë pas zgjedhjeve afatmesme, vazhdon të pretendojë se humbja e tij në vitin 2020 nga Biden ishte rezultat i mashtrimit të gjerë. Gjykata të shumta, agjenci shtetërore dhe anëtarë të administratës së tij e kanë hedhur poshtë këtë pretendim si të pavërtetë.
Ndërkohë ish presidenti Barak Obana foli për një klimë të rrezikshme të krijuar në radhët e politikës, teksa përmendi sulmin kundër bashkëshortit të Kryetares Demokratike të Dhomës së Përfaqësuesve, Nancy Pelosi.
Republikanët pretendojnë se demokratët janë përfshirë në dhunë politike, duke përmendur protestat e përhapura kundër racizmit që tronditën vendin në vitin 2020.
