Demokratët në të gjithë vendin votojnë ditën e sotme për kryetarin e ri të Partisë Demokratike. Qendrat e votimit janë hapur në orën 8:00 dhe të gjithë kanë të drejtën e votimit deri në orën 19:00. Sakaq raportohet se dhe në rrethe procesi po vijon, pa asnjë problematikë.
GRAMSH
Procesi i votimit për kreun e ri të PD-së, vijon të mbahet edhe në Gramsh.
Nga rifreskimi i listës, në këtë qytet rezultojnë 301 anëtarë të PD. Kujtojmë se në zgjedhjet e kaluara kanë qenë 1234 anëtarë ku në zgjedhjet që u bënë nga foltorja e Berishës morën pjesë 390 votues.
VLORË
Me pjesëmarrje të ulët vijon procesi i votimit për kryetar të PD-së në qytetin e Vlorës. Mësohet se në këtë qytet janë 1600 anëtarë me të drejtë vote, ndërsa votimi po kryhet në Pallatin e Kulturës.
