TIRANË– Kryetari i Partisë Demokratike Sali Berisha pritet të mbledhë ditën e nesërme Kryesinë e partisë për të vendosur se si do të procedohet për zgjedhjet e pjesshme për kryebashkiak në Bashkinë e Kukësit. Raportohet se mbledhja e Kryesisë do të mbahet në orën 13:00 ndërsa në rendin e ditës do të jetë miratimi i kandidaturave që do t’i nënshtrohen ‘primareve’ për kryetar bashkie në Kukës, zgjedhje të cilat do të zhvillohen në 24 shtator.
Në këto zgjedhje Partia Demokratike e drejtuar nga Sali Berisha ka hedhur poshtë çdo mundësi bashkëpunimi me PD-në zyrtare tashmë në drejtimin e Lulzim Bashës. Ndërkohë më herët Berisha ka deklaruar se në këto zgjedhje do të garohet me koalcionin por ende nuk është vendosur nëse emri i koalcionit do të jetë sërish ai “Bashkë Fitojmë”.
