TIRANË– Kryetari i Partisë Demokratike Sali Berisha mesa duket i ka “mbyllur derën” të gjithë kandidatëve të grupimit të Enkelejd Alibeajt sa i përket zgjedhjeve vendore të 14 majit. Duke iu përgjigjur pyetjes së gazetarëve në lidhje me një deklaratë të bërë nga deputeti demokrat Xhelal Mziu se gjatë drekës së grupit parlamentar ishte folur në mënyrë informale që 10-15 kandidatë mund të rinegociohen kryedemokrati tha se nuk njeh asnjë praktikë tjetër përveç atyre të primareve.
Pyetje: Mziu deklaroi se është folur në mënyrë informale që 10-15 kandidatë mund të rinegociohen. Do të jepni dakordësinë tuaj për të përfshirë edhe kandidatët e Alibeajt?
Sali Berisha: Jashtë primareve nuk njoh praktike tjetër. Ne kemi përcaktime. Kam respekt për Mziun dhe çdo njeri tjetër, por jashtë primareve nuk njoh praktikë tjetër.
