FIER– Një 23-vjeçare e identifikuar me inicialet S.M nga Patozi është larguar nga banesa dhe familjarët nuk kanë asnjë informacion për vendndodhjen e saj. Denoncimin në polici e ka bërë nëna e saj. Para uniformave blu 46-vjeçarja është shprehur se e bija vuan nga probleme të shëndetit mendor.
Ndërkohë një 41-vjeçar i identifikuar me inicialet K.Sh është arrestuar pasi dyshihet se i ka vjedhur celularin një personi. Ndërsa një 27-vjeçar i identifikuar me inicialet L.H ka kanosur me pistoletë lodër një person.
NJOFTIMI I POLICISË:
Fier/Vihet në pranga 1 shtetas dhe procedohet në gjendje të lirë 1 tjetër, për vepra të ndryshme penale. Specialistët për Hetimin e Krimeve të Komisariatit të Policisë Fier arrestuan në flagrancë shtetasin K. Sh., 41 vjeç, banues në Radostinë, Fier, pasi i ka vjedhur celularin, një shtetaseje. Po nga këta specialistë u referuan materialet në Prokurori dhe nisi procedimi në gjendje të lirë për shtetasin L. H., 27 vjeç, banues në Zhupan, Fier, pasi ka kanosur me pistoletë lodër, një shtetas. Sendi i përdorur në mënyrë të kundërligjshme, u sekuestrua në cilësinë e provës materiale.
—
Më datë 16.01.2023, në Komisariatin e Policisë Fier ka bërë kallëzim shtetasja Sh. M., 46 vjeçe, banuese në Patos, se më datë 31.12.2022, është larguar nga banesa, vajza e saj, shtetasja S. M., 23 vjeçe, e cila sipas deklarimeve të 46-vjeçares, vuan nga probleme të shëndetit mendor. Punohet për gjetjen e 23-vjeçares. Materialet procedurale i kaluan Prokurorisë, për veprime të mëtejshme.
