FIER-Artan dhe Luiza Metaj kanë denocuar këtë të shtunë në Policinë e Fierit largimin nga banesa të vajzës së tyre të mitur. Para Policisë prindërit kanë deklaruar se 14-vjeçarja e identifikuar me inicialet J.M është larguar prej tri ditësh nga shtëpia e saj në Fier dhe ende nuk ka asnjë gjurmë të saj.
Prindërit shprehen se vajza është larguar nga banesa me një valixhe ndërsa për herë të fundit është parë në terminalin e autobusëve ku është nisur për në Tiranë. Policia është vënë në kërkim të vajzës.
