DURRËS– Dy persona janë arrestuar këtë të premte nga policia e Durrësit pasi akuzohen për vepra të ndryshme penale. Në një njoftim për mediat blutë e qytetit bregdetar bëjnë me dije se një 39-vjeçar nga Kamza është vënë në pranga pasi gjatë dy muajve të fundit ka vjedhur biçikleta në zona të ndryshme të qytetit. Ndërsa një 32-vjeçar i identifikiuar me inicilaet O.M është arrestuar pasi ka dhunuar bashkëshorten. Ndërkohë një 31-vjeçar ka denoncuar në polici zhdukjen e motrës së tij.
NJOFTIMI I POLICISË:
Specialistët për Hetimin e Krimeve të Komisariatit të Policisë Durrës, si rezultat i administrimit të menjëheshëm të kallëzimeve të marra për 2 raste vjedhjesh, kanë vënë në pranga shtetasin A. B., 39 vjeç, banues në Kamëz, Tiranë, pasi gjatë 2 muajve të fundit, iu ka vjedhur biçikletat, 2 shtetasve të ndryshëm. Vijon puna për zbardhjen e vjedhjeve të tjera që mund të jenë kryer nga 39-vjeçari.
Po nga këta specialistë u arrestua në flagrancë shtetasi O. M., 32 vjeç, banues në Durrës, pasi ka ushtruar dhunë fizike ndaj bashkëshortes së tij.
Në Komisariatin e Policisë Krujë, ka kallëzuar shtetasi A. M., 31 vjeç, banues në Derven, Krujë, se më datë 30.03.2023, është larguar nga banesa, motra e tij, shtetasja A. M., 36 vjeçe dhe nuk është kthyer më. Po punohet për gjetjen e saj. Materialet procedurale i kaluan Prokurorisë, për veprime të mëtejshme.
