SARANDË– Detaje të reja janë zbardhur nga zhdukja që prej disa ditësh e Leonard Thodhori i njohur si “Koçole” dhe Fatmir Sulovari alias Fatmir Krasniqi, dy emra të njohur për policinë dhe me precedentë të theksuar kriminal. Mësohet se familjarët e dy 46-vjeçarëve kanë nisur të bëjnë hetime private duke qenë se nuk kanë asnjë të dhënë nga autoiritetet se deri në çfarë pikë janë hetimet për gjetjen e tyre.
Ndërkohë nga ana tjetër Policia e Sarandës vazhdon kqyrjen e kamerave filmike dhe po shqyrton të gjitha pamjet e siguruara nga zona të ndryshme të qytetit ku kanë lëvizur dy të zhdukurit pa gjurmë. Po ashtu po merren në pyetje edhe të afërmit e tyre për të mbledhur më shumë informacione lidhur me lëvizjet që mund të kenë bërë së fundmi Thodhori dhe Sulovari. Ndërsa celularët e tyre rezultojnë se janë të fikur.
