VLORË– Hetimet për zjarrvënien e qëllimshme në fushën e grumbullimit të mbetjeve në Vlorë pritet që ti kalojnë Prokurorisë së Posaçme Kundër Korrupsionit dhe Krimit të Organizuar (SPAK). Këtë të martë agjentët e Byrosë Kombëtare të Hetimit kanë mbërritur në Vlorë dhe po hetojnë mbi renien e zjarrit dhe mungesën e reagimit në kohë të institucioneve vendore.
Në hetim po përfshihen disa institucione përfshirë Bashkinë. Sipas asaj që raporton Fax News SPAK dyshon se ka pasur mungesë edhe për analizimin në kohë të ndotjes. Prej katër ditësh tashmë zjarrfikësit janë në betejë me flakët ndërsa tymi i zi është përhapur në qytetin bregdetar në kulmin e sezonit turistik.
