Deputetja e Partisë Demokratike, Eralda Bano, ka reaguar në lidhje me situatën e zjarrit të përmasave të mëdha në qendrën tregtare Metropol në Lushnjë, e cila ndodhet në një pallat 12 katësh.
Bano shkruan se po e ndjekin me shqetësim të gjithë situatën, ndërsa uron që asnjë qytetar të mos jetë lënduar nga kjo ngjarje.
Postimi i deputetes:
Kaos dhe panik në Lushnjë! Kati i dytë dhe i tretë i qendrës tregtare ‘Metropol’, qendër e cila ndodhet në një pallat 12 katësh, është përfshirë nga flakët! Fillimisht flakët kanë përfshirë katin e dytë dhe të tretë, por zjarri më pas është përhapur edhe në katin e katërt dhe më pas në apartamentet që janë në godinën e Qendrës Tregtare.
Solidarizim me qytetaret e rrezikuar dhe të lënduar, zjarrfikëset e forcat e rendit.
Po e ndjekim me shqetësim e vëmendje gjithë situatën.
Uroj me zemër që asnjë qytetar mos të jetë i lënduar.
Zjarri në Lushnjë
Flakët e zjarrit që nisën pasditen e sotme (14:40) në katin e tretë të qendrës tregtare, mbi të cilën ndodhen dhe apartamente banimi, po përhapen me shpejtësi, ndërsa zjarrfikësja e ka të pamundur ta lokalizojë për shkak se nuk ka kapacitetet e mjaftueshëm.
Mësohet se gjithashtu ka disa banorë që janë bllokuar brenda në banesat e tyre, ndërsa tymi ka përfshirë katër anët e pallatit.
I gjithë shërbimi zjarrfikës i Tiranës është nisur drejt qytetit të Lushnjës, për të bërë të mundur shurjen e flakëve.
Gjithashtu dhe ministri i Brendshëm Taulant Balla ndodhet në vendngjarje dhe po ndjek nga afër situatën për të cilën tha se është shumë serioze.
