Prej disa ditësh vijon të jetë aktiv një vatër zjarri në zonën e pyllëzuar të Pishë Poros, në Fier.
Megjithë ndërhyrjen e zjarrfikësve, flakët vijojnë të përpijnë sipërfaqe të tëra pyje me pisha.
Por sot ministri i Mbrojtjes, Niko Peleshi ka dhënë një lajm të mirë.
Greqia i ka ardhur në ndihmë Shqipërisë pas kërkesës së bërë nga Mbrojtja Civile në BE dhe ka sjellë një avion zjarrshues Canadair.
“Greqia i është përgjigjur kërkesës së Agjencisë së Mbrojtjes Civile të Shqipërisë me një avion Canadair për ndërhyrje nga ajri në vatrën e zjarrit në Pishë Poro, në Fier. Falenderojmë fqinjët tanë, për ndihmën në kuadër të Mekanizmit Evropian të Mbrojtjes Civile!”, shkruan Peleshi në rrjetet sociale.
