HIMARË– Situata nga zjarri në Porto Palermo vijon të jetë e vështirë. Raportohet se 40 efektivë të forcave zjarrfikëse po punojnë për shuarjen e flakëve. Sipas ministrit të Mbrojtjes Niko Peleshi terreni i vështirë e ka vështirsuar punën e ekipeve zjarrfikëse.
Niko Peleshi: 40 efektivë të Batalionit të tretë të Këmbësorisë nga Forca Tokësore janë angazhuar sot për shuarjen e zjarrit masiv në Porto Palermo. Mbrëmjen e djeshme u ndërhy edhe me helikopterin Cougar, i cili është rikthyer edhe sot në mëngjes në zonë. Puna është e vështirë për shkak të terrenit, ku është përhapur zjarri. Përpara ligjit çdokush që ndez zjarre, çdokush që nuk njofton dhe padashje apo me dashje bëhet bashkëpunëtor. Do bëjmë të pamundurën për të ruajtur pasurinë tonë kombëtare!
