Sipas njoftimit të Policisë në fshatin Hajdaran është ndezur një vatër zjarri dhe Shërbimet e Komisariatit kanë shkuar menjëherë në këtë zonë dhe kanë kryer veprimet hetimore për identifikimin e autorit të zjarrvënies.
Mësohet se autori i dyshuar i dyshuar është shtetasi Xhemal Tori, 67-vjeç, banues në fshatin Hajdaran i cili kishte ndezur zjarr në tokën e tij për të djegur disa mbeturina, por si pasojë e përhapjes së flakëve u dogjën sipërfaqe me pemë frutore dhe me shkurre, në pronësi të disa shtetasve të tjerë. Pas ngjarjes autori është arrestuar.
Drejtoria Vendore e Policisë Elbasan apelon për qytetarët që në asnjë rast të mos ndezin zjarre, pasi ky veprim përbën krim dhe ndëshkohet penalisht, si dhe i fton ata që të denoncojnë në numrin 112, çdo rast të tillë, me qëllim ndërhyrjen e menjëhershme për shuarjen e flakëve dhe procedimin penal të shtetasve përgjegjës.
Lajmi në përditësim…
