Me anë të një postimi në Facebook, Edi Rama, ka bërë apel prokurorive dhe gjykatave në rrethe që të zbatojnë ligjin për zjarrvënësit në vend. Të gjithë personat që kanë gisht në vënien e zjarreve në vend do të dënohen me 15 vite burg.
Postimi i plotë
Një tjetër zjarrvënës i arrestuar në flagrancë nga Policia e Shtetit dhe një tjetër arsye për ta përsëritur apelin ndaj prokurorëve e gjykatësve në rrethe, që të zbatojnë me përgjegjshmëri ligjin, i cili parashikon deri në 15 vjet burg për këtë soj kriminelësh Edhe njëherë përgëzime Policisë së Shtetit për punën shumë të mirë që po bën në këtë front të mbrojtjes së një pasurie kolosale, të krijuar nga breza të tërë për brezat e ardhshëm
