SHBA– Elon Musk, CEO i Twitter-t duket se do tw krijojw swrish zhurmw pasi me njw postim nw rrjetwt sociale lka paralajmwruar se mbase “zogu” nuk do tw jetw mw logo e Twitter. Nën udhëheqjen e trazuar të Muskut, që kur e bleu Twitter-in në tetorin e vitit të kaluar, kompania e ka ndryshuar emrin e biznesit në X Corp, duke pasqyruar vizionin e miliarderit për të krijuar një “super aplikacion”, sikurse WeChat i Kinës.
Elon Musk: Nëse një logo mjaftueshëm e mirë me X publikohet sonte, do ta përdorim në mbarë botën që nesër.
Zogu është zëvendësuar përkohësisht në prill nga qeni Shiba Inu i kriptovalutës Dogecoin, duke nxitur rritjen e vlerës së saj në treg. Kompania është përballur me kritika të gjera nga përdoruesit dhe nga profesionistët e marketingut, kur Musk njoftoi në fillim të këtij muaji se Twitter do të kufizonte se sa “cicërima” në ditë do të mund t’i lexonin përdoruesit.
Kufizimet ndihmuan në rritjen e rrjetit rival, Threads, në pronësi të Meta Platforms, i cili regjistroi 100 milionë përdorues brenda pesë ditëve pas lëshimit për përdorim të gjerë. Telashi më i fundit i Twitter-it ishte një padi e paraqitur të martën, që pretendon se kompania u ka borxh të paktën 500 milionë dollarë ish-punonjësve të saj, pas largimit të tyre nga puna. Që kur Musk e bleu Twitter-in, kompania ka larguar nga puna pothuajse gjysmën e punonjësve të saj, për të reduktuar kostot.
