TIRANË- Gjatë Komisionit të Ligjeve të mbajtur kësaj të hëne nuk kanë munguar diskutimet nga deputeti demokrat Saimir Korreshi, i cili ka deklaruar se Zyrave Përmbarimore të Lushnjës u mungon letra dhe boja prej rreth dy vitesh, ku ka shtuar më tej se është një zyrë ku nuk mund të punohet në asnjë mënyrë.
“Për të kaluar te standartet europiane. Përveç stokut, Ministër dua t’ju pyes, ke qenë ndonjëherë në Lushnjë? Te ajo zyra e përmbarimit në Lushnje? Hyre apo nuk hyre? Pse po e them këtë. Si mund ta quash zyrë dhe si mund të punosh atje, kur për dy vjet s’kanë bojë ata të shkretit. Bojë, ore bojë, të printojnë shkresat, letër të bardhë, kanë dy vjet pa letra e pa bojë. Që të vesh të marrësh.Mos qeshni more se është tragjike. “
Ndërkohë Korreshi është shprehur edhe për harten e re gjyqësore, ku ka vënë theksin tek mbyllja e gjykatës së Lushnjës, ku më pas qytetarëve do u duhet t’i drejtohen shërbim përbarimor Gjyqësor.
“Ajo harta është shumë e rëndësishme. Duhet të gjejmë një zgjidhje, që gjykatat që do mbyllen, një nga ato është edhe Lushnje duhet të ketë shërbim përbarimor Gjyqësor. Sepse është një sektor hallexhiu, si për vete, si nga godina, nga pagesa që marrin apo edhe çështjet që trajtojnë. Kur nuk kanë bojë…”
