TIRANË– Agjensia Kombëtare e Shoqërisë së Informacionit ka reaguar për herë të parë pas arrestimit të zyrtres së këtij institucioni me drogë në doganën e Qafë-Thanës. Në njoftimin e bërë publik për mediat AKSHI bën me dije se ka nisur procedurat për shkarkimin e Erisa Fero.
NJOFTIMI I PLOTË:
Në vijim të deklaratës së Drejtorisë Vendore të Policisë së Korçës, për finalizimin e operacionit “Restart”, me arrrestimin e 3 shtetasve, ndër të cilët dhe znj. Erisa Fero, AKSHI njofton se: bazuar në legjislacionin shqiptar në fuqi (Kodi i Punës), ka nisur menjëherë procedurën për shkarkimin nga puna të këtij personi. Znj. Erisa Fero, ishte punonjëse pranë sektorit përkatës të e-Albania, në nivelin Specialiste. Agjencia Kombëtare e Shoqërisë së Informacionit, dënon çdo akt të kundra ligjshëm dhe siguron se do të jetë gjithmonë mbështetës në proceset e institucioneve që veprojnë në mbrojtje të ligjit.
