Gazetarja Ola Xama deklaroi në emisionin “Stay Tuned” me Gazetaren Valbona Mhilli se një pjesë e mirë e grave të dhunuara nuk kërkojnë divorcin pasi nuk janë të afta të përballojnë jetesën.
Duke vijuar më tej me shpjegimin e saj, Xama tha se shteti duhet të ndërtojë politika duke ofruar arsim cilësor, trajnime dhe zhvillim ekonomik të cilat do i mundësojnë gruas pavarësi duke e rregulluar disi këtë situatë.
Unë ndihem e barabartë në raport me meshkujt. Çështja është pse duhet të paragjykohem unë se jam femër? Nëse shkon një mashkull në polici a trajtohet ai siç trajtohet një femër? Të them që nuk ndihem e barabartë ndaj tij më jep diçka që mua nuk më takon me meritokraci, siç po përdoret sot në politike, institucione fjala femër.
Duhet me patjetër që 1 në 3 deputetë të jetë femër. Po t’i takojë të shkojë, po t’i takojë të jetë gjithë lista, nëse nuk i takon të jetë gjitha lista me meshkuj.
Bëj kabinetin plot me gra që hedhin firmën që të them respektoj femrat. Femër është ajo që i thotë jo kryeministrit. Grua e denjë për vendin është ajo që i thotë jo kryeministrit. Nuk e firmos këtë vendim. Jo të marrësh dhe të përdorësh imazhin e një femre se ajo firmos dhe nuk thotë kurrë jo në nivelin që nuk thotë kurrë jo.
Sa herë ka vrasje të grave ka dhe emisione ku dalin qytetarë, personazhe që thonë institucione duhet të veprojnë. Bëhen 2-3 projekte. Mbrojtjen e këtyre grave dhe ngjarje të tilla, uroj të mos ndodhin por mendoj se do përsëriten. Nuk mund ta mbajë nën ombrellë të gjithën shtetit. Por në një shtet tjetër Dan Hutra nuk do kishte dalë. Politikat duke ofruar arsim cilësor, duke bërë trajtime, duke rritur zhvillimin ekonomik. Gruaja dhe femra bëhet më e pavarur dhe nuk ka nevojë për një mashkull që domosdoshmërish mban familjen, një pjesë e mirë e grave që janë pre e dhunës nuk marrin dot një veprim divorci pasi nuk janë të afta të përballojnë jetës. Duke zhvilluar ekonominë rregullohet dhe kjo situatë.
