TIRANË– Pas deklaratave të bëra nga kreu i grupit socialist Taulant Balla kundrejt kryedemokratit Sali Berisha, ky i fundit i është përgjigjur “flakë për flakë”. Në replikën e tij Berisha ka paralajmëruar Ballën që të mos e teprojë me deklaratat ose do i nxjerrë një histori që nuk është treguar më parë.
Sali Berisha: Parafolës është shpifës i shpërfytyruar. Është një person që përfaqëson këtu klanet më të rrezikshme të vendit. Është një person i cili në dosjet e prokurorisë figurojnë dhjetëra kilometra të tëra telefonatash me vrasës trafikantë, përdhunues etj. Asnjëherë mos prisni kurrë që kjo rracë e shpifur që ka pushtuar parlamentin të mendojë ndryshe. Tani meqë e përmende atë xhaxhin tënd po ta them, se kam vizituar kurrë se nuk ka kërkuar. Po vazhdove do tregoj historinë kur sekretari të nxirrte te qershia. Po e teprove ta them. Mos më nxit.
