ITALI– Aksidenti i rëndë i regjistruar dy ditë më parë në aksin rrugor Sarandë–Ksamil ku dy turistë italianë humbën jetën pasi motori me të cilin ata lëviznin u përplas nga një makinë ka marrë jo vetëm vëmendjen e mediave italiane por dhe të politikës. Kështu në një reagimi të tij deputeti Francesco Emilio Borrelli i është drejtuar kryeministres së Italisë Georgia Meloni duke i kërkuar të reagojë për ngjarjes pasi sipas tij më shumë zhurmë u bë për faturën 80 euroshe të italianëve që ikën pa paguar nga restoranti në Berat se për aksidentin tragjik. Një reagim ka pritur dhe nga kryeministri Edi Rama.
Francesco Emilio Borrelli: Shpresoj që kryeministrja Giorgia Meloni të marrë masa në kohë për t’i kërkuar qeverisë shqiptare drejtësi për Domenico Gritto dhe Vincenzo Tizzano, dy të rinjtë nga Monteruscello që u përplasën për vdekje nga një makinë në Sarandë të Shqipërisë. Bëjeni me më shumë këmbëngulje dhe vendosmëri me të cilën ndërhyni për të mbrojtur restorantin shqiptar duke paguar faturën prej tetëdhjetë eurosh për katër automobilistët italianë që u larguan nga restoranti pa paguar. Fatkeqësisht, për momentin nuk është thënë asnjë fjalë për bashkëqytetarët tanë që humbën jetën në aksidentin tragjik, as nga ju dhe as nga kryeministri shqiptar Edi Rama. Fatkeqësisht, një faturë e papaguar në një restorant bën më shumë zhurmë se dy italianë që u vranë.
