Akuzohet për rryshfet/ Lihet në burg ish-punonjësi i Agjencisë së Trajtimit të Pronave, Ilir Kapetani

TIRANË– Gjykata e Posaçme Kundër Korrupsionit dhe Krimit të Organizuar (GJKKO) ka lënë në burg ish-inspektorin e Agjencisë së Trajtimit të Pronave (ATP), Ilir Kapetani, i arrestuar pak ditë më parë për korrupsion. Para togave të zeza ai i ka mohuar akuzat e ngritura ndaj tij. Ndërsa nga ana tjetër hetuesit e Prokurorisë së Posaçme Kundër Korrupsionit dhe Krimit të Organizuar (SPAK) pretendojnë se ai ka marrë ryshfet në 14 raste duke u kërkuar para trashgimtarëve të pronave për trajtimin e kërkesave të tyre për kthimin dhe kompensimin e pronës.