TIRANË– Portalet gjobvënese janë një realitet i hidhur tashme në vendin tonë. Së fundimi një audio-përgjim ka dalë në media, i publikuar fillimisht nga Prapaskena ku në fokus të tij janë dy drejtuesit e portaleve Newsbomb.al Anila Basha dhe CNA.al tashmë dhe Tv Elvi Fundo. Ti marrim me radhë. Në pjesën e parë të audiopërgjimit dëgjohet gazetarja Anila Basha që komunikon me njjë nga drejtuesit e departamenteve të kompmanisë “One”, së cilës i bën presion pasi kanë shkëputur kontratën e reklamimit me Newsbomb.al.
Siç dhe mund të dëgjohet me tone të ashpra Basha i drejtohet vajzës që është në anën tjetër të telefonit se kompania i ka përplasur derën në fytyrë sa herë ajo ka shkuar për të kërkuar bashkëpunimin dhe siç dëgjohet kjo marrëdhënie mes palëve është shkëputur prej pak muajsh. Ndërsa më parë “One” reklamohej me nota pozitive. Siç mund të shihet dhe në titujt e mësipërm Newsbomb prej muajsh e ka vënë kompaninë e telefonisë fikse dhe celulare në shënjestër.
E njëta gjë dhe nga ana e gazetarit Elvi Fundo. Ky i fundit në audiopërgjim tregon bisedat, ku thotë se i kishin ofruar një reklamë nga Albtelekom, por nuk e kishte pranuar, me sa duket shuma i është dukur e vogël. Fundo kërkon nga kompania One Albania të arrijnë një pazar, ku kompania të lidhë një kontratë, për t’i dhënë para, ndryshe sulmet do të vijojnë./Newszone
