KOSOVË– Kosova këtë 17 shkurt kujton ditën e Pavarësisë, ku 15 vite më parë u shpall një shtet i pavarur, përtej vështirësive, luftes që e “paralizoi” këtë vend, gjeti forcë dhe u ngrit lart duke krijuar të gjitha institucionet e saj demokratike. Shemsije Seferi, aktiviste për Fuqizimin e Grave dhe Vajzave, po ashtu për Mbrojtjen e të Drejtave Kombëtare, në një intervistë ekskluzive për NewsZone.al tregon barrierat e atyre viteve të luftes në Kosovë, vështirësitë që grate, vajzat hasnin, vuajtjet e pashtershme.
INTERVISTA E PLOTË:
1. Zonja Seferi si kanë qenë ato vite të luftes për Kosovën?
Përjetimet e vitete të luftës ishin të rënda për gjithë qytetarët e Kosovës dhe e papranueshme për gjithë kombin tonë kudo. Në atë kohë jam dhe do jem gjithë jetën me përjetimet e popullit tim, çfarë përjetuan, të vrarë ,të pushtuar, dhunuar e të përsekutuar. Po unë në atë kohë 1999 nq ofenzivat e fundit thuaj të spastrimit etnik të Shqiptarve të Kosoves nga ish-regjimi i Serbisë së madhe, përfundova me fëmijët e mi duke ecur dhe vazhduar për 5 ditë radhazi dhe kam përfunduar në Shkodër, atë periudhen e përfundimit të luftes në Kosovë.
2. Cilat kanë qenë vështirësitë më të mëdha që keni hasur?
Vështirësitë ishin çdo herë në forma të ndryshme për neve, unë si një grua dhe nënë kam rezistuar dhe kam arritur të jem aktive në mbrojtjen e familjes sime dhe atyre që ishim sëbashku të sfiduar nga parmilitarët Serbë. Për mua ka qenë më e rënda kur në diten më të dhimbshme mblodhem fëmijët dhe gjesendet të cilat arritem t’i marrim me vete për t’i ikur masakrave dhe dhunimeve në atë periudhë. Diçka që mund të them që jam krenare për veten time aq isha e lidhur me posterat me shqiponjen dhe flamurin tonë e gazetat që shkruanin për ngjariet dhe gjenocidi që bënte Serbia. Pasi kemi arritur që të dalim nga shtëpia, jam kthyer dhe kam arritur t’i fshehi ato për mos me mi kall Serbi.
3. Si erdhi idea për fuqizimin e grave dhe vajzave?
Ideja ime ishte pjesë e përjetimeve që ne si gra kishim gjatë kohës së luftës. Nevoja ishte më se e madhe për të përkrahur gratë dhe vajzat me një ide të tillë dhe projekti i parë ka filluar nga fshati Sferkë ku unë dhe kam qenë si aktiviste për përkrahje të grave. Programi i parë ka qenë fuqizimi dhe socializimi i grave me aktivitete psikosociale, me fëmijë dhe të rinjtë. Falë forces që unë kisha, vendosa të ndërmerrja iniciativa të tjera të mëtejshme, dhe theksoj se do jem afer grave gjithë jeten.
4. Kush ishin nevojat më të mëdha që grate dhe vajzat kishin qoftë në kohën e luftës apo edhe më vonë?
Nevojat ishin të ndryshme, ushqimi, strehimi, përkujdesi për familjen, për ushtarët e UÇK-së, gjithsesi përjetimi më i rëndë për gratë dhe vajzat ka qenë ikja nga banesat e tyre.
Pas lufte ishte gjendja më e rëndë për traumat dhe përjetimet, ku gratë përjetuan vrasjet e djemve të tyre, gjendje lufte ku mungonin dhe gjerat më elementare.
5. Në vitin 2010 ju keni qenë një ndër anëtaret e këshillit komunal të Pejës në çeljen e qendrës së Lëvizjes VETËVENDOSJE në Pejë, si ndryshuan gjërat ato kohë?
Po në vitin 2010 isha kandidate për deputete në Lëvizjen VETËVENDOSJE dhe anëtare e këshillit në Pejë
Po ajo kohë ishte sfidë për mua, sepse thuaj se isha njëra ndër ato anëtare me shumë guxim, sepse dihet mirë se në atë kohë VV ka qenë një pengesë dhe një trazues i madh për partitë politike, duke kërkuar ndryshime dhe duke trazuar çdo lëvizje për pushtetin në udhëheqje, por ka pasur ndryshime dhe levizje në favorin e VV.
6. Çfarë iniciativash moret ju ato vite, sepse nuk kishte shumë që Kosova kishte fituar pavarësinë?
Gjithmonë do të jem për ndryshime në favorin e qytetarëve, aktivitetet si kam ndaluar asnjëherë, ishin trajnime dhe vetëdijesime për formimin dhe zbatimin e ligjit të shtet formimit, aktivitete sociale, zhvillim ekonomik, barazi gjinore, përkrahje e studentëve, dhe hapjen e një parashkollori në fshat etj.
7. Sot gjendemi përballë një situate të tensionuar në veri të Kosovës, mendoni se asociacioni do shërbente në kuadër të dialogut për normalizimin e marrëdhënieve Kosovë-Serbi?
Sigurisht që situata nuk është e qetë në Veri të Mitrovices, ku unë e quaj pasojë të shumë politikave në kohën e pasluftës 1999, ku si UÇK-ja, po ashtu edhe ndërkombëtarët kanë dorë në këtë gjendje qe ne jemi sot. Mendoj që duhet arritur marrëveshje të cilat nuk duhet të dëmtojnë vendin tonë, jam kundër çdo marrëveshje të tillë. Jam për marrëdhënie të mira ndër kufitare dhe fqinjore me çdo vend në botë, dhe pse jo dhe Kosovë-Serbi./ NewsZone.al
