KOSOVË– Mirlinda Tishukaj-Sadiku, deputete e Lëvizjes Vetëvendosje në Kuvendin e Kosovës, në një intervistë ekskluzive për News Zone.al ka treguar se çështja e asociacionit për Kosovën është prishje e rendit kushtetues. Ndërsa shtoi më tej se Serbia duhet të tregojë në mënyrë absolute vendndodhjen e eshtrave, e të kompensoj dëmet e luftës.
INTERVISTA E PLOTË:
1. “Asociacioni njëetnik është i papranueshëm në Kosovë”, kjo ka qenë deklarata e Kurtit e cila ështe theksuar me vendosmëri se nuk do të jetë ndryshe, çfarë do të thotë për Kosovën asociacioni?
Asociacioni për Kosovën domethënë prishje e rendit kushtetues, rregullimit ligjor të Republikës së Kosovës dhe favorizim i një etnie më shumë se etnitë tjera: boshnjak,turk, bashkalinj, egjiptian.
2. Jemi në 15-vjetorin e Kosovës si shtet i Pavarur, dhe gjithë këto vite mbështetja e SHBA-ve ka qenë e palëkundur, por me situatat e fundit që po ndodhin, kanë kërkuar që të ketë me patjetër një dialog Kosovë-Serbi, duke pretenduar se kjo do sillte paqe për të dy vendet, si e shikoni këtë qëndrim të SHBA?
Dialogu gjithmonë është zgjidhje, veçse nuk është e drejte që Serbia edhe pse ka nënshkruar 33 marrëveshje asnjërën nuk e respektuan.
3. Në Kosovë, vihet re një mungesë e bashkëpunimit mes forcave politike, sjell kjo efekte negative për vendin, dhe cilat janë ato?
Kryeministri Kurti është shumë i përkushtuar në lidhje me opozitën ka ftuar liderët në takim, ka dhënë përgjigje në pyetjet parlamentare nga opozita e të hënën që shkoj kishim edhe debat parlamentar për bisedimet.
Bashkëpunimi gjithmonë duhet dhe do ekzistoj sepse flitet për të ardhmen e vendit.
4. Sipas jush, cila është zgjidhja që Kosova mund të gjejë në dialogun me Serbinë për të bërë, paqe, pra ekziston një mundësi?
Zgjidhje është njohja reciproke. E pashmangshme, Serbia duhet të tregoj vendndodhjen e eshtrave, të kompensoj dëmin e luftes, dhe shumë çështje tjera.
5. Kryeministri Kurti gjithmonë ka qenë për marrëveshje reciproke, sa janë arritur objektivat?
Kryeministri Kurti është një lider i cili I ka përcjellur një kohë të gjatë politiken e jashtme edhe është i përgatitur mirë për këtë proces, ka njohuri, din ta shtroj argumentin në mënyrë bindëse dhe konsistence dhe arsyeshmëri të plotë në atë që e paraqet dhe mbron./ NewsZone.al
