Tre persona të armatosur kanë ndjekur nga zona e Leposaviq ekipin e gazetarëve të televizionit T7 në Kosovë, të cilët këtë të mërkurë kishin shkuar të raportonin në veri të vendit për një kontrabande të cilën e ndaloi Policia e Kosovës në fshatin Jashanicë, duke u përballur kështu me një sulm të paprecedentë.
Gazetari Unitet Berisha, i shoqëruar nga operatori Perparim Gashi janë ndjekur për rreth 20 kilometra nga fshati Jashanicë deri te Ura e Bistricës nga një automjet me targat GM-074-NO. Personat brenda këtij mjeti i kanë drejtuar armën ekipit të T7 duke kërkuar nga këta të fundit që të ndalojnë makinën.
Gazetari Unitet Berisha ka folur ekskluzivisht për NewsZone.al në lidhje me këtë ngjarje, ku tregon se ndjekja e tyre ka përfunduar vetëm në momentin kur i janë afruar pikës në të cilën qëndron Njësia Speciale e Kosovës, dhe më pas janë drejtuar tek rajoni i Policisë në Zveçan, duke denoncuar rastin e rëndë.
Unitet Berisha: Ne ishim në fshatin Jashanice në Leposavic, ky fshat është afër kufirit me Serbinë, Policia e Kosovës nuk qëndron më aty që nga barrikada e fundit, kështu që rruga e atij fshati po përdoret për kontrabandë nga serbët, ne shkuam për të raportuar për këtë, pasi që vetëm 1 ditë më herët policia kishte ndaluar kontrabandim të kafshëve, deri sa ishim nëpër rrugën e këtij fshati pamë që përcilleshim nga një veture, ne shtuam shpejtesinë dhe edhe ajo gjithashtu, e kuptuam se po ndiqeshim dhe u kthyem për të shkuar te Policia e Kosovës që ishte 20 km larg nga aty, gjatë kësaj kohe nuk kemi mundur as të lajmerojmë policinë pasi që nuk ka valë të telefonit, ndjekja është bere me shpejtësi të madhe gjatë tërë kohës mbi 100 km gjatë tërë kohës duke arritur deri në 170km në orë maksimumi, kanë provuar të dalin para nesh, gjatë tërë kohës kane treguar armët e shkurta jashtë veturës dhe i kanë drejtuar nga ne, por nuk kanë gjuajtur, kur kemi arritur 2 km para se të arrijmç te statcioni i Policisë së Kosovës ku qëndron Njesia Speciale e Kosovës kanë ndaluar të na ndjekin, më saktësisht tek vendi qënjihet si Ura e Bistricës, gjithë rastin i treguam Policisë seë Kosovës duke dhënë edhe deklaratë në statcionin e policisë në Zveçan, tash ata janë duke u marrë me rastin.
Kujtojmë se kjo nuk është hera e parë që ekipet e televizionit T7 dhe televizioneve tjera janë ndaluar të kryejnë punën e tyre në veri të Kosovës.
