TIRANË– Kryeministri Edi Rama do të nisë këtë të mërkurë një vizitë disa ditore në Britaninë e Madhe. Kreu i qeverisë do të pritet në një ceremoni shtetërore nga homologu britanik Rishi Sunak. Ky është takimi i tyre i parë zyrtar qëkur Sunak mori detyrën si kryeministër i Britanisë së Madhe dhe disa muaj më pasi dy liderët nënshkruan një deklaratë të përbashkët. Dy udhëheqësit u zotuan që të dyja vendet të rrisin bashkëpunimin me synim dhënien fund të dyndjes së emigrantëve ilegalë shqiptarë drejt brigjeve të Britanisë së Madhe.
Në foksu të takimit “kokë më kokë” pritet të jeët emigraciuoni ilegal i shqiptarëve drejt Britanisë së Madhe nëpërmjet kanalit të La Manshit. Në deklaratën e përbashkët të firmosur nga Rama dhe Sunak , u vendos që Shqipëria dhe Mbretëria e Bashkuar të ngrenë një Task Forcë të Përbashkët me qëllim forcimin më tej të bashkëpunimit operacional për zbatimin e ligjit.
